مقناص الكووول هههههه

07-01-2010, 01:20 AM

السلام عليكم ورحمة الله وبركاته
بقولكم سالفة يوم رحت اقنص قبل سنتين((القنص عندي قنص ضبان وبس))

المهم كان في يوم مجتمعين انا واخوياي في قهوة دانكن اللي بالحي عندنا.؟))المهم سوالف من هذا وسوالف من هذاك ومشت السوالف وانا اسمع واضحك واسمع واقول يالله لك الحمد من كثر الفقش ((الكذب يعني)) بس بصراحه احس اني كومبارس بالجلسه ما قلت لو كلمه.......... قلت بنفسي مالها داعي يا سلوم تطلع وتقعد ساكت وش يقولون عنك اخوياك ((الله)) المهم وجا في بالي اقولهم اشرايكم نخيم بالبر نغير جو ((عشان بس اطلع من الجلسه لو بسالفه وحده)). وفعلا لقيت ردود ايجابيه وكلهم قالو قدام ((يعني اوكيه دربك خضر)).
الوقت هذاك وقت اجازه صيفيه ولا احد منا سافر خارج الرياض وعشان كذا الوضع تمام لان الشله كلهم موجودين وبقولكم القابهم ((تيتو+برطس+شطوف ..بس شطوف غير لقبه بعدين)) المهم
بدينا بالاخذ والعطا وكيف بنطلع وبسيارة مين ومن هالشغلات والتجهيزات.
قال تيتو السياره عندي ((وانا ابو هندي ههه))قالها ضاحكا....بالهي ؟؟سلوم بلا سماجه...طيب..
المهم السياره وانحلت لانه كانت عنده سياره تنفع للبر .
....جا الدور على برطس .....ها برطسلي وش بتجيب ....قال: انا علي الصحون والدافور هههه ....قلتله دافور بالبر الله يخلف عليك يا كول ههههه قال :خلاص بجيب حطب وبصير مو كول
قلنا وبعد وش بتجيب.....قال: اللي تبون اجيبه قولو لي وابشروو<<<كفو يا برطسلي ههه.
قلنا خلاص انت عليك الاواني ((يعني صحون وزمزميات والشغلات هذي.)) قال اوكيه اوكيه.
جينا لشطوف اللي ما خلى سياره بالرياض الا شطفها والمشكله شطفه غبي هههه يا يشيل المرايات والا يشيل البويه اللي ع البيبان حق السياره........المهم قلنا له وش بتجيب يا شطوف
قال: انا علي استاجر خيمه واجيب طراحات وبطانيات((الفرش اللي بننام عليها باختصار مطول ههه)) قلنا: عداااااك العيب يا شطوف....
وبالاخير ناظرو فيني قالو انت اجل وش بتجيب ما بقى شي .؟؟؟؟
قلت : ههههه انا بجيب ملابسي واغراضي بس((ههههه امزح)) لا انا بجيب اكلنا وشربنا والخضره ((الكوسه والجزر والبطاطس وهالشغلات ))احس ان عندنا محل خضار ههههههه يمكن عندنا المهم. قالو عداك العيب سلوم ....قلت: وازيدكم من الشعر بيت باجيب الساكتون حق الوالد عشان نستانس ونقنص ونفلها واللي ما يصحا الصبح احط الساكتون ع اصبعه وافجرها عشان يطير النوم((امحق طلعه اجل ))هههه المهم.
طلعنا من المقهى (دانكن)وركبنا سيارة شطوف وكل واحد يده على قلبه ويقول يالله سترك... وبقولكم شي تصدقون اني ما اتذكر دعاء ركوب السياره الا اذا جيت اركب معه ....واقعد اقرا اية الكرسي واستغفر احس اني داخل حرب مو سياره... المهم
مشينا وبالطريق شطح خوينا برطس وقال تصدقون يمكن ابوي ما يوافق اروح وبيقول باخاف عليك وزي كذا((((تعرفون الولد كول)))) من حقه ابوه. المهم
طمنه تيتو وقاله: ابوك خله علي عمي وانا اعرف كيف اقنعه ...قال برطس: لا خلاص انا بكلمه واذا ما وافق انا باتصل عليك وباخليك تقنعه .........قلنا اوكيه.
المهم تواعدنا نطلع الفجر بعد يومين من يوم اتفقنا ..............جا اليوم اللي قبل الطلعه وتعرفون لازم نجهز كل شي .....انا صحيت قبل العصر وتغديت وصليت واتصل ع الشباب ..بديت بــ برطس عشان اتطمن اذا وافق ابوه والا لا؟<<<<<<<<مسكت الجوال وادور على اسم برطس..ايه لقيته..

طرررررن طررررررن<<< الجوال يدق <<<< طررررن طرررررن وبرطس في سابع نومه..
مارد علي قلت اكيد نايم وادور على اسم ((تيتو)) بالجوال ....ايوه......
طررررررررررررن تيتو: هلا سلوم
سلوم((انا يعني)) : هلا فيك تيتو كيفك؟
تيتو: تمام الحمدلله انت كيفك؟
سلوم:انا تمام الحمدلله بس الزبده لا تطول علي ما عندي رصيد((طفرة اول شينه)) ها كلمت ابوك عشان السياره..
تيتو: من جدك انت السياره زوجتي اخذها وين مابي ومتى ما ابي ...ما استاذن من احد
سلوم: كفو والله لكن وش صار على برطس
تيتو: والله مادري لكن باتصل عليه وارد لك
سلوم: ايه تكفى لاني دقيت عليه ومارد اكيد نايم الكووول
تيتو:اوكيه اوكيه اللحين ادق عليه تامرني شي..........وسلوم يقاطع تيتو<<
سلوم: اسمع لا تدق عليه خلاص هذا هو يدق علي قفل قفل برد على برطس
تيتو:طووط طوووووط((تم فصل المكالمه))
سلوم يرد على برطس: هلا بالنايمين صح النوم يا حلو
برطس : اححححم هالا<<<صوته وهو تو صاحي من النوم.
سلوم:ها وش صار؟؟ كلمت ابوك عشان الطلعه؟
برطس تغير صوته وقال: شكلي ما باطلع معكم اعذروني.
سلوم: من جدك انت وش صار طيب؟؟ ترى طلعه بدونك ما تسوى وما بنروح من دونك.
برطس يضحك ضحكه شريره :هاع هاع هاع لا امزح معك كلمته وقالي بتطلع مع مين وقلتله اني باطلع معكم وقال اوكيه بس لا تتاخرون.
سلوم:ربي يبشرك بالخير ايه اللحين استانست لبى صوتك وانت صاحي من النوم((*برطس صوته يتغير الف درجه اذا كان صاحي من النوم بس قلتها استهبل))
برطس: يسلمو يسلمو يا سوسو ((*تعرفون اسامي الدلع حق الكول سوسو وفوفو))
سلوم: ربي يسلمك من الشر بس قولي متى بتجهز الاغراض؟
برطس: كلها باخذها من البيت ما يبي لها شغله.
قلت اوكي اجل وعدنا الفجر وقفلت من عنده.

رجعت ادور اسم شطوف بالجوال عندي ((كان عندي جوال ان سبعين رايح فيها))
وارسله كلمني((فضلا اتصل بي)).............الجوال:تم ارسال طلبك00000000
دقايق ويتصل علي .....
شطوف :هلا سلوم كيفك
سلوم:هلا والله انا بخير
شطوف: ها وش صار على الطلعه؟
سلوم: من جدك انت يعني باقي ما جهزت شي؟
شطوف: اجل تبي اجهز واروح استاجر خيمه وزل وباقي ما درينا بنطلع والا بس كلام((كلام الليل يمحيه النهار))
سلوم: لا ابشرك العقده اللي كانت موجوده راحت اللي هو برطس والحمدلله ابوه وافق
شطوف: اجل اوكي انا باروح اللحين استاجر الاغراض بس متى بنمشي ؟
سلوم: انشالله الفجر اذا كان كل شي جاهز.
شطوف : اجل اوكيه يالله فمان الله
سلوم: الله يرجه هالغبي (((لانه قفل بعد ما قال فمان الله هذا طبعه)))ما ينتظر الرد بعد فمان الله.

انا يا سلوم قمت واخذت ورقه وقلم وقمت اسجل الاغراض اللي نحتاجها بالطلعه للبر.
وباكتب لكم اللي سجلته بالورقه.
/سكر/شاي/مويه/رز/دجاج/خضار وبصل وطماط/ووووو الخ
واروح بعد صلاة المغرب اشتري كل شي وانا احس اني ناسي شي بس وشو ؟؟ ما جا على بالي
المهم اتصلت اتطمن وش صار على اخوياي جهزو ما جهزو؟
.................. خلصت من المكالمات وقلت الحمدلله كل شي تمام وعال العال
يوم جت الساعه عشره ونص رحت لغرفتي عشان بنام ...
انسدحت والنوم يقولي : وش عندك جايني اليوم بدري؟ العاده نتقابل الساعه ثنتين ((ما انام الا عقب الساعه ثنتين انا ))
وانا احاول بهالنوم يمين ويسار مو راضي يدخل عيوني ..يمكن ما نمت الا الساعه 12 ((اخيرن))

يتبع>>>

يتبع>>>

بكمل لكم بكره وش صار بعد ما صحيت من النوم وكل التفاصيل بقولها لكم بالحلقه الجايه>>>>
تابعونا تجدون المتعه والعبره بنفس الوقت..هههههه

المصدر: منتديات خواطر ليالى

lrkhw hg;,,,g iiiiii lrkhw

07-01-2010, 02:03 AM

هههههههههههههههههههههههه

يسلموو الآيادي قصه من الف ليله وليله

وأنا راح اكون من اكثر المتابعين لقصة {سلوووم والمقناص}

تحيااااتي وأتمنا ماتكون الحلقه الخيره موصيبه <<<<يااااارب تستر

دمت شعلة من النشاط

07-01-2010, 06:47 AM

قصهـ راااااائعهـ
عجبني سردك للأحداث خصوصن إنها باللهجهـ العاميهـ
والظاهر إنت المخطط للطلعهـ وإنت أللي مخربها لإنك نسيت غرض مهمممممم صح؟؟ يالله بكرهـ بنشوف تكملة القصهـ<<<تحمست خخخخخ
بدايهـ موفقهـ خيوووو وبأنتظااار التكملهـ

07-01-2010, 07:07 AM

يسلمو ع الموضوع وتسلم يدك ياعســــــــــــــــــــــــــــل احلى موضوع في المنتدى

شكرا راح اكون اكتر متابعه لمواضييعك

07-01-2010, 07:07 AM

السلام عليكم ورحمة الله وبركات

خقق وقسمن

هوون بيكز من الإفتتاح اللي كلف تقريبا 25 مليون دولار

07-01-2010, 09:44 AM

ههههههههههههههه والله من الدجه ياسلوم

قصه جوونان بس يلا عاد كمل تحمست

07-01-2010, 10:36 AM

تصدقون اني ما اتذكر دعاء ركوب السياره الا اذا جيت اركب معه ....واقعد اقرا اية الكرسي واستغفر احس اني داخل حرب مو سياره... المهم
هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه هههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههه
الله يقطع سوالفك قسمن بالله اني فصلت من كثر ماضحكت اذ1 هذ1 الجزء الاول اجل الثاني وش بيصيررررررر
كركركركركركركركركركركركركركركر
خخخخخخخخخخخخخخخخخخخخخخخخخخخخخخخخخخخ
اضحك الله سنك كما اضحكت سننا (سننا ==انا واللي عندي شسوي خميس جمعه بنات هههههههههههههه)
وبنتظار جزئك الثاني بصرعه لااتتاخر عشان مايصير علمن ثاني <<قومي سطريه هههههههههههههههههه
وبش >فديتك بس ماادل بيتك< اكيد جديد وين ادله معه هههههههههههه
تقبل مروري وتحشيشي واطالتي وضحكي ....

07-01-2010, 06:10 PM

سلووووم
اعجبتني قصه الشباب
وانا في غايه الانتباه لها يعني اذا كملتها لاهنت عطني خبر
لانه الكوووول برطس<<مع اني ما اتخيل شكله
معجبني بالقصه
وتيتوو لاتقرب منه واجد
ههههههههههههههههههههوع
والله احس نهايه مؤلمه لبرطس
لانه كوول وبيطلع مع (زكرت)
ياويله من>>(تيتو)
تقبل مروري سلووم

07-02-2010, 12:12 AM

من الواضح ان حضرتك ابدعت
بس لى عوده
ان شاء الله
حتى اقرأ ببطىء شديد وبتركيز
تقبل مرورى موقتا
ليــــــــــــــــــلى

07-02-2010, 04:19 AM

يعطيك العافيه سلوم ع القصه الروعه
بس وش فيك احس ان شطوف مظلوم مو من عوايده يسوي هيك
وحبيت اذكرك ان ابو برطس اتصل ع تيتو يقوله انتبه للولد
بأنتظار الجزء الثاني
تقبل مروري سلوم <<يابو كووووسه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري